Lets Smile Urdu Jokes آئیے مسکرائیں اردو لطیفے
دو دوست آپس میں جھگڑ پڑے۔ ایک نے دوسرے کو بہت زور دار تھپڑ مارا۔ جس کو تھپڑ لگا اس نے پوچھا کہ تم نے یہ تھپڑ مذاق میں مارا ہے یا غصے میں؟
پہلا دوست بولا: بہت غصے سے۔
دوسرا بولا: شکر ہے مذاق میں نہیں ورنہ میں ایسا مذاق برداشت نہیں کرتا۔
استاد: اگر رات کو سورج نکل آئے تو کیا ہو گا؟
شاگرد: بہت برا ہو گا۔ پھر رات کو بھی سکول جانا پڑے گا۔
اُستاد (شاگرد سے): کوئی مثال دے کر واضح کرو کہ سردیوں میں چیزیں سکڑتی ہیں اور گرمیوں میں پھیلتی ہیں؟
شاگرد: جناب گرمیوں میں چھٹیاں پھیل کر تین مہینے کی اور سردیوں میں سکڑ کر پندرہ دن کی رہ جاتی ہیں۔
گاہک: میرے کوٹ پر کتنا کپڑا لگے گا؟
درزی: چھ میٹر۔
گاہک: لیکن ساتھ والے درزی نے تو ساڑھے پانچ میٹر مانگا ہے۔
درزی: اس کا لڑکا ایک سال کا ہے، میرا تین سال کا۔
ایک شخص رات کو مچھر مار کوائل جلا کر میٹھی نیند سو رہا تھا کہ اچانک اسے مچھر کی مخصوص آواز سنائی دی۔ وہ شخص سخت حیران ہوا کہ کوائل جلنے کے باوجود مچھر قریب کیسے آگیا۔ اس نے عالم غنودگی میں جھپٹ کر مچھر کو مٹھی میں بند کر لیا۔ اس سے قبل کہ وہ مچھر کو مسل دیتا مچھر نے گڑگڑاتے ہوئے کہا:
“رحم حضور رحم! میری کیا مجال کہ میں آپ کے آرام میں مخل ہوتا۔ میں تو دراصل آپ کو یہ بتانے آیا تھا کہ آپ کی کوائل ختم ہو چکی ہے۔”
مالک (نوکر سے): میری اجازت کے بغیر کوئی چیز نہ اٹھایا کرو۔
نوکر (تھوڑی دیر بعد): حضور! چھوٹے صاحب گڑھے میں گر گئے ہیں، اجازت ہو تو اٹھا لاؤں؟
باپ (بیٹے سے): بیٹا محنت کرو، امتحان سر پر کھڑا ہے۔
بیٹا: لیکن ابو! میرے سر پر تو آپ کھڑے ہیں۔
لڑکا (دکان دار سے): “آپ کے پاس صابن ہے؟”
دکان دار: “جی ہاں۔”
لڑکا: “ہاتھ دھو کر دو کلو چینی دے دیں۔”
باپ: بیٹے! پیدل چلیں یا بس پر؟
بیٹا: آپ کی مرضی، لیکن اگر پیدل چلیں تو مجھے گود میں اٹھا لیجئے۔
ایک روز ایک تاجر اپنے کارندوں کو کچھ اس طرح جھڑک رہا تھا:
“تم لوگوں میں تو ذرا بھی خوف خدا باقی نہیں۔ غضب خدا کا! اعلیٰ درجے کی اینٹوں کو چھوڑ کر تم گھٹیا اینٹیں ملا رہے ہو مرچوں میں۔”
